[b]بسم الله الرحمن الرحيم
بداية كده احب اعرفكم بفسى انا اسمى جلال وعندى16 سنه من القاهره
اولا:كل سنه وانتو طيبين بمناسبه العيد ورمضان اللى خلصوا والمدارس وربنا يجعلها سنه سعيده عليا وعليكم
ان شاء الله
ثانيا:انا شايف ان المنتدى مفيهوش حركه شغل كتير يعنى حاسس ان المواضيع كلها واخده نمط واحد وده مش
ينفع ...غير كده شايف اقسام مفيهاش غير موضوع واحد او اتنين وده بى الكتير اوى
يا جماعه ده منتدى واحنا عاوزينه يبقى احسن واحد ..يبقى نشد حيلنا شويه واللى كان بيحط موضوعين يحط5
لحد بس لما نظبط المنتدى وبعد كده كل واحد يرفع موضوعين
وياريت كل مشرف يمسك القسم اللى هيعرف يشغله ..مش سبهللا هى..يعنى كل واحد يمسك القسم اللى يقدر
يمشيه ويقدر يتحكم فيه
ثالثا:عاوزين نبقى ايد واحده وكلنا نبقى مع بعض اخوات واى حد عنده خلاف مع حد ياريت نلغيها
لاننا هنا اخوات ومش محتاجين للخلافات ..واحنا فى غنى عنها
ولو حد عنده مشكله اوى اى حاجه من كسوف يتفضل واحنا كلنا نحاول نحلها مع بعض
ياريت محدش يكون زعل من كلامى ..وكل سنه وانتوا طيبين